Быйыл 2024 сылга Сунтаар сэлиэнньэтэ төрүттэммитэ 260 сыла бэлиэтэнэр. Сунтаар нэһилиэгин дьаһалтата, Л.Попов аатынан киин библиотека тэрийиилэринэн «Дархан» рестораҥҥа «Т.О.К.» (Толкуйдаа. Оонньоо. Кыай.) интеллектуальнай күрэх ыытылынна. Күрэххэ барыта 7 хамаанда күөн көрүстэ: “Дьоллоохтор” –дьүөгэлиилэр хамаандалара, «Ааныска сыдьааннара» — Петровтар аймахтарын хамаандата, «Дьулуур» — сиринэн дьарыктанар тэрилтэлэр кадастровай палата, регистрационнай палата холбоһуктаах хамаандата, “Кэскил” — Сунтаар улууһун социальнай управлениетын хамаандата, «Сунтаар кыталыктара» — дьүөгэлиилэр хамаандалара, «Аанньаллар»- Сунтаар киин балыыһатын хамаандата уонна «Добун» — олох-дьаһах коммунальнай хаһаайыстыбатын хааччыйар тэрилтэ Сунтаардааҕы филиала.
Оонньуу 5 түһүмэҕинэн ыытылынна:
1 түһүмэх -Сунтаар нэһилиэгин историятын сырдатар тестовай ыйытыыларга уонна эбии боппуруоска сөптөөх хоруйу биэрии;
2 түһүмэх — “Саһарбыт хаартыскалары” таайыы;
3 түһүмэх — «Сунтаар чулуу дьонноро» хаартысканан таайыы;
4 түһүмэх- видеонан Сунтаар олохтоохторуттан боппуруостарга хоруй;
5 түһүмэх — «Аптаах дьааһык» манна туох баарын таайыы;
Дьүүллүүр сүбэҕэ үлэлээтилэр:
Елена Федорова – Л.А. Попов аатынан оройуоннааҕы библиотека ааҕар саала сэбиэдиссэйэ, Мария Иванова – библиотека ааҕар саала сүрүннүүр библиограба, Ньургуяна Илларионова – Сунтаар нэһилиэгин администрациятын кылаабынай специалиһа, Людмила Тертюхова – Сунтаар нэһилиэгин администрациятын ыччат уонна спорт специалиһа. Күрэх сүрүн үбүлээччилэринэн буоллулар ООО «Главстройкомплекс» салайааччы Анатолий Эдуардович Исаев, «Автобест» сервис салайааччыта Александр Валерьевич Иванов.
Күрэх түмүгүнэн 1 миэстэни ыллылар «Ааныска сыдьааннара» Петровтар аймахтарын хамаандата -25.000 солк. уу харчынан наҕараадаланнылар.
2 миэстэ — Сунтаар улууһун социальнай управлениетын «Кэскил» хамаандата — 10.000 солк,
3 миэстэ — Сиринэн дьарыктанар тэрилтээлэр кадастровай палата, регистрационнай палата холбоһуктаах «Дьулуур» хамаандата 5.000 солк. наҕараадаланнылар.
«Толкуйдаа. Оонньоо. Кыай.» интеллектуальнай оонньууга ыйытыыга күүс -көмө буолбут дьоннорбутугар Сунтаардааҕы оҕо дьоҕурун сайыннарар киин салайааччытыгар Ангелина Владимировна Антоновҕа, Сунтаар улууһун бэтэрээнэрин сэбиэтин бэрэссэдээтэлигэр Афанасий Кириллович Васильевка, Сунтаар улууһун үөрэҕириитин салаатын түмэлин үлэһитигэр Альбина Григорьевна Ивановаҕа, Л.А.Попов аатынан Сунтаардааҕы киин бибилэтиэкэ салайааччытыгар Изабелла Ивановна Жирковаҕа, библиотечнай үлэ бэтэрээнигэр Зинаида Яковлевна Ивановаҕа, Сунтаардааҕы оҕо бибилэтиэкэтин кэлэктиибигэр уонна Сунтаар нэһилиэгин урукку кэмнэрин сырдатар хаартыскаларынан көмөлөспүт Толоон нэһилиэгин “Сардаана” сынньанар киин дириэктэригэр Анатолий Юрьевич Павловка, С.А. Зверев — Кыыл Уола аатынан түмэл кэлэктиибигэр махталбытын тиэрдэбит.
Суруйда Л.А. Попов аатынан киин библэтиэкэ ааҕааччыны кытта үлэлиир салаа кылаабынай бибилэтиэкэрэ Мария Алексеева
